Kryeprokurori i Shtetit, Aleksander Lumezi infektohet me Covid-19, kjo është gjendja e tij shëndetësore

10:44 | 16 Gusht 2020
Gita

Kryeprokurori i Shtetit, Aleksander Lumezi ka rezultuar pozitiv me Covid-19, pas testit që ka bërë.

Lajmin e ka bërë të ditur vet zyra për media e Kryeprokurorit të Shtetit, raporton arbresh.info.

Po ashtu, në njoftim bëhet e ditur se gjendja shëndetësore e kryeprokurorit Lumezi është stabile, dhe se menjëherë pas marrjes së rezultatit të testit është vetë-izoluar.

“ Zyra e Kryeprokurorit të Shtetit njofton opinionin publik se Kryeprokurori i Shtetit, Aleksandër Lumezi, dje e ka bërë testin për Covid19, me ç’rast ka rezultuar pozitiv. Nga momenti i testimit, Kryeprokurori Lumezi është vetizoluar. Gjendja shëndetësore e Kryeprokurorit të Shtetit është e stabile dhe është duke e marrë trajtimin e duhur mjekësor”, bën të ditur zyra për media e Kryeprokurorit të Shtetit./arbresh.info/